一個男人，除咗佢個名叫「索尼」之外，究竟要做過啲咩先值得人哋鬧佢「罪大滔天」？為大家介紹日本47歲諧星兼主持，渡部建。先講佢娶咗女神佐佐木希已經夠大罪，近來傳出偷食罪加一等，仲要偷食六個已經罪無可恕，六個入面仲要有三個係AV女優，其中仲有近年嘅發片機器「神宮寺ナオ」，你話佢係咪罪大滔天啦？

卻說渡部建日前突然辭去最少八個電視節目主持，日本坊間旋即傳出其偷食醜聞，更指佐佐木希被佢家暴。後來雖然證實所謂嘅「佐佐木希家暴受傷照」其實係以往拍劇時嘅造型，但渡部建就透過事務所發聲明，承認與多位女子有不倫關係。

傳聞中渡部建最鍾意於殘廁與人幽會，而且同一時段與6個女人偷食，當中包括歌手及三個AV女優。而台灣AV達人「一劍浣春秋」引述日本消息，指三位AV女優分別係年過40嘅滝川恵理(有沢実紗)、曾經與另一名AV女優椎名そら公開拍拖嘅女優「月島ななこ (片桐 えりりか)」，以及近年大熱嘅肉感輕熟女優「神宮寺ナオ」，但月島ななこ及神宮寺ナオ先後於今日下午在Twitter上澄清。

滝川恵理(有沢実紗)

月島ななこ (片桐 えりりか)

神宮寺ナオ

渡部建與佐佐木希於2017年結婚，2018年生下一子，縱然久唔久就有傳聞話佢哋唔夾又盛，但渡部建一直都係好男人形象，加上佢乃日本大熱主持，傳聞中不倫對象更包括歌手，相信後續風波或會更大。據《蘋果日報》報導，他於聲明中指「與那些女性的關係，是因為我的不德所致，對家人造成了深深傷害，及對支持我的各位帶來麻煩，我會反省。我已經向老婆講清楚和道歉。」目前佐佐木希未有回應。

講開又講渡部建又唔係靚仔，又唔係後生，憑啲咩食到咁多好嘢？