台灣女星雞排妹「鄭家純」昨日生日，並宣佈創立情趣用品品牌「純愛」，並於今晚於台灣眾籌平台「嘖嘖」上推出兩款「親自打造」嘅男用「純愛杯」，結果只係用咗一個鐘就達到100萬新台幣嘅眾籌目標！

於眾籌頁面中介紹，雞排妹自上年起主持網絡節目後，注意到「男士日常諸多的情緒緊繃問題，其實來自夜裡無法紓發的慾望壓力」，所以推出純愛杯「照顧好每一個人細微卻關鍵的需求」。而產品本身以高度模擬真人肉感嘅最高等級矽膠製成，為營造緊貼效果，開口刻意設計成只有1.2cm左右，頂部有設排氣小孔控制吸力。並且有「純精」及「純淫」兩款，均可多次使用。

而除咗兩款純愛杯，仲有一套九張寫真照卡片及潤滑劑。入門價最平係1,380新台幣，即係約HK$365左右，預計11月出貨。有興趣就去嘖嘖 x 純愛杯專頁睇下啦。