喺香港，性知識學校唔會教、父母唔會講，結果絕大部份人都係透過朋友口耳相傳、自己上網搵片研究黎學識一切性知識——問題係，AV係娛樂用途而非教育用途，入面出現嘅畫面情節反應，可能根本有違常理，結果就令到大家學到錯哂。世上最大成人影片網站Pornhub都知，所以佢最近就推出咗自家「性教育影片系列」，希望為大家灌輸正確性知識。

其實早幾年，Pornhub已經成立Pornhub Sexual Wellness Center，由醫學專家提供正確性知識，而最近更於Pornhub網站上開設「Pornhub Sex Ed」頻道，由專家們講解性教育知識。目前Pornhub Sex Ed頻道有11條教學影片，當中有教大家點同伴侶進行溝通、性傳染疾病、何謂正確嘅自慰習慣、男女生殖器官嘅特性、避孕方法、甚至有條片教大家點樣於肺炎疫情下進行安全性行為。當中雖然會出然生殖嘅近鏡，但絕無任何動作場面，乃係正正經經嘅教育短片黎。

雖然係一個成人影片網站，但Pornhub素來都以「不務正業」而聞名，例如疫情早期Pornhub就曾經免費提供Premium會籍、7月時亦曾經免費開放網站上嘅廣告位置以幫助中小企，早年亦有試過種樹、成立研究基金等，比起好多大企業更加有良心。