相信大家間唔時就會見到有啲新聞，講當事人性愛後遭對方控告強姦嘅個案。為咗可以更保障雙方權益，避免事後不必要糾紛，最近丹麥就有公司出咗個新App叫「iConsent」，可以畀大家喺「做」之前send個「性交同意證明」畀對方，只要對方按個「同意」制後就可以安心開波，有效期為24小時。廠商表示記錄將會加密儲存到安全伺服器，用家可以自行翻查記錄，除非係刑事調查，否則公司員工唔會分享有關數據。

（圖片截至：iconsent）

「iConsent」開發人員更表示，就算用戶按咗同意都可以有反悔機會，因為個App會喺性愛嘅前、中、後階段都會再問一次（做做下拎電話出嚟按YES？）。雖然個App出發點看似無錯，但由於缺乏實際情況考慮，所以喺Google Play上只有2.3分。當中有人留言鬧間公間整呢個App係「毫無意義」，更有人擔心會唔會有人藉著呢個App偽造性交同意證據。唔知大家又點睇呢？