每個男人都希望自己床上能力出眾、能夠令到女伴高潮疊起慾仙慾死——而事實係點，大家去睇睇啲成人用品店放咗幾多「增大增長增強」嘅所謂補品就大概估到。啲補品有冇用我就唔知，但據英國《The Sun》報導，原來床上功夫好嘅男人，喺外貌上係有共通點！

圖片：Onbuy.com

據《The Sun》報導，購物網站OnBuy.com早前進行咗一項調查，搵黎4,550名女性列出「人生最正一場性愛嘅對象外貌特徵」，結果排頭五嘅特徵分別係「有鬚 (73%)」、「啡眼 (71%)」、「有穿環 (70%)」、「闊膊 (68%)」及「有紋身 (62%)」。試想像下如果有個男人集齊呢五大條件，你估佢係咩人？靚仔嘅就會係碧咸，唔靚仔嘅…自己去旺角搵——所以MK仔多女係有原因架！

集齊前五大條件而又靚仔嘅，大概就係咸爺咁嘅樣

而除咗以上五大特徵，名單上仲有啡頭髮、陰毛生上肚、戴眼鏡等十個特徵，甚至就黎光頭都有40%「支持者」。大家自問個樣又同呢啲特徵配唔配合呢？