{ SKIP }
文:MenClub 魏文青  
POSTED ON 17 Nov 2021

大家有冇睇過朱茵同馬德鐘套《強姦2:制服誘惑》?想當年大台深夜重播,我同班朋友喺出面食緊宵夜,睇到朱茵被馬神鎅開件女童軍制服時,全場都係麻甩仔/佬但一粒聲都冇,大家上堂都冇咁專心,可見件制服 (同當年嘅朱茵) 係幾咁偉大。

實際上呢個世界有唔少人都對「制服」有一定幻想,美國性學家Lehmiller博士日前就分享咗個調查,睇下究竟邊件制服最誘人,而且佢仲話鍾意制服嘅人,其實都係「M底」!

圖片:電影《Bay Watch》

據Lehmiller博士分享,早前佢為咗寫書而收集咗超過四千名美國成年人嘅數據,其中就有問到佢哋是否對「制服Play」有興趣,最能夠勾起佢哋幻想嘅制服又係邊一套。結果就發現有48%人表示自己曾經幻想與著住制服嘅另一半做愛、有6%直言係經常有相關幻想。

至於最受歡迎制服方面,軍人就以18%位居榜首,警察以14%隨後,然後就有學生或老師、消防員、護士等等等等,但Lehmiller博士亦指,就咁睇呢個百份比其實冇咩參考性,因為不同性別及性取向嘅人,對於制服嘅取向都非常唔同。例如52%表示對制服有幻想嘅異性戀女性中,最受歡迎嘅制服係軍人、警察同消防員;而40%表示對制服有幻想嘅異性戀男性中,最受歡迎嘅制服就係護士、啦啦隊及老師/學生。

圖片:劇集《2 Broke Girls》

不過能夠肯定嘅係,以上呢啲制服之所以能夠引起大家幻想,其中一個原因係佢哋代表住社會上嘅某種權力 (你睇,有警察喎,大權力到呢),反而AV中常見嘅咩外賣仔、水喉佬其實並不是常見幻想制服。Lehmiller博士亦指,越常幻想制服Play嘅人,對BDSM嘅幻想亦會更頻繁,特別係對「從屬角色」特別有興趣,即係所謂嘅「M」。再換言之,幻想制服Play嘅人,好多都係希望感受一下被權力征服嘅感覺。

資料來源:sexandpsychology.com
雖然話日本女團成員拍寫真一啲都唔出奇,但畢業既有偶像包袱,寫真工作又唔係重點,哪怕真係本身天生麗質,往往都雖然啲時間累積人氣先能夠於寫真界獨當一面。不過今晚要介紹呢位「一ノ瀬瑠菜」就可算係當中嘅異類, ...
girls
【深夜】偶像寫真二刀流 橫掃雜誌封面的「一ノ瀬瑠菜」
21 Jul 2025
唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025