近日日本一個名為「AV出演對策委員會」嘅組織發出聲明，列出目前日本AV業界嘅「十大弊病」，並認為應該立即改善。當中除咗有較為正常嘅「提高醫療福利」、「(向女優) 詳細說明每個拍攝詳情並獲得同意」之外，仲有「禁拍十六大主題」、「禁止本番以及任何黏膜接觸的演出」、「女優可以隨時取消合約」、「不得使用星探」等提議，假若全部獲得實行，亦即意味整個日本AV業都玩完。

自稱係支持「AV業界受害者組織」嘅「AV出演對策委員會」透過聲明，提出佢哋認為目前日本AV業界必須立刻改善嘅十大問題，其中最受爭論嘅包括「禁用星探」、「禁止本番 (即實際插入)、黏膜接觸 (包括口交、接吻)演出」等，另外佢哋亦認為要立即停拍16個「犯罪主題」，當中包括任何有個「姦」字嘅主題、任何「多於兩人活動」嘅主題，以及痴漢、換妻、女高中生、搭訕、口交、肛交等日本AV常見主題，仲未計「女優可以隨時取消合約」、「女優不同意拍攝任何部份都要立即停拍」等提議。可以想像，假若真係實行呢啲提議，整個日本AV業界基本上冇可能經營落去。

記者会見の質疑で新法について、
「『適正AV制作法』であって『出演被害防止法』ではない」と指摘していました。本当にその通りです。被害当事者を排除して法律を作らないで下さい。https://t.co/4Z3upRWIHR pic.twitter.com/PO9vCND2d1

— 郡司 真子　Masako GUNJI (@bewizyou1) May 9, 2022

而據台灣AV達人「一劍浣春秋」指，「AV出演對策委員會」其實係由記者「群司真子」以及其他律師、政客成立嘅「人權組織」，並非業界本身嘅組織。早前日本宣佈將「成年人」定義降低為18歲後，亦係同一班人跳出黎話業界會欺騙無知少女去拍AV，搞到業界被逼公開「近幾年根本冇18-19歲嘅女仔入過行」。同時呢班人亦會為自稱被逼拍片嘅女優控告片商及經理人公司。但「劍大」指出，絕大多數案件最後都係由女優撤告，或者法庭根本不受理。

「劍大」亦指出，業界為咗避免輿論進一步發酵，或者會於短期內減少拍攝受爭議嘅題材，亦可能有部份題材會從此消失，但肯定唔會跟足提議去做——畢竟跟足嘅話，日本AV就冇人會睇。