{ SKIP }
文:MenClub 魏文青  
POSTED ON 08 Jun 2022

過去幾年,相信香港人非常明白「一切問題都係政治問題」呢句說話嘅含義,但你又有冇諗過,你嘅社會政治取向,與你於感情路上嘅成與敗有關?甚至只係啱啱被人拒絕或接受,都足以改變你嘅社會政治取向?

來自加拿大Nipissing大學嘅博士後研究員Francesca R. Luberti日前公佈一個研究,指出一個異性戀男士於感情路上受歡迎與否,原來係會影響到佢對於最低工資、健康福利等事件嘅睇法。Francesca搵黎237名單身異性戀澳洲成人男女,並要佢哋拍一段片去解釋自己點解係一個好嘅約會對象,然後指出佢哋會收到5名異性對段片嘅反應。但實際上啲「反應」其實係由演員預錄,並分為正面反應及負面反應兩種,而測試者會隨機收到由「全正面」到「全負面」嘅六種反應組合。換言之唔理測試者條片拍成點,佢哋都會被隨機分成「受歡迎 (多正面反應)」及「不受歡迎 (多負面反應)」兩組。

睇完啲反應後,測試者要再回答一份關於傳統性別角色、非正式性關係 (Casual Sex)、最低工資、健康福利,以及對於性及政治取向嘅問卷。

結果就發現,女性對於上述各種議題嘅取向,基本不受測試中獲得「受歡迎」或「不受歡迎」嘅反應影響,但男性就唔同講法。Francesca指出,獲得「不受歡迎反應」嘅男士,對於「非正式性關係 (Casual Sex)」嘅支持度,比起獲得「受歡迎反應」嘅男士為低;同時獲得「不受歡迎反應」嘅男士,佢哋嘅「正面情感」如開心、熱情、驕傲程度亦較低,較低嘅「正面情感」又會導致佢哋唔支持增加最低高資、醫療福利等。考慮到所有測試者收到嘅反應都係隨機而成,亦即無視測試者於現實生活嘅受歡迎程度,證明即使係近期嘅感情路上成敗,都足以 (透過影響心情) 影響佢哋對社會政治議題嘅睇法。

資料來源:Changes in Positive Affect Due to Popularity in an Experimental Dating Context Influence Some of Men’s, but Not Women’s, Socio-Political Attitudes

大家可能以為做一個寫真女星,除咗生得靚、身材正、識擺Pose之外就唔需要啲咩技巧,但其實每個行業背後都有不為人知嘅一面。好似今晚要介紹呢位「杉本愛莉鈴」咁,佢外表固然非常出色,但原來佢「用唇」嘅技巧都係佢 ...
girls
【深夜】用唇技巧深受讚揚 高身長女星「杉本愛莉鈴」
20 Sep 2024
9月係開學嘅季節,見到街上著住校服嘅年輕人,有冇令你諗起嗰隻一去不回來嘅青春小鳥?又有冇令你諗起當年課室坐隔離位嘅女同學?你話當年隔離位嗰個都個麻甩仔?好,咁今晚就介紹呢位「百瀬せいな」畀你認識,等你 ...
girls
【深夜】隔離位個女同學 「百瀬せいな」女友感十足
20 Sep 2024