著名女優明日花キララ (以下簡稱明日花) 自退役以後，就以演藝人/網紅嘅身份活躍於日本演藝圈，而日前佢就同日本著名「黑道大哥演員」竹內力攜手盛裝出席那須川天心對上武尊嘅《The Match 2022》，二人嘅合照更因為太似《人中之龍》嘅畫面而被日本網民瘋傳。

在 Instagram 查看這則貼文

明日花キララ（@asukakiraran）分享的貼文

明日花昨日於IG發佈一系列照片，紀錄咗佢同竹內力一齊去睇《The Match 2022》嘅經過。據佢所講，佢同竹內力坐嘅係全場最貴、一人300萬Yen、就坐喺個台邊嘅VVIP座位，明日花仲話近到可以聽到兩位對戰者嘅「靈魂吶喊」，同時又得到竹內力嘅現場解說，令佢覺得非常奢侈。

而從明日花與竹內力嘅合照中，亦可以見到佢身穿一條貼身「蝦醬色」高釵長裙，而一頭淺金All-back頭髮嘅竹內力就著住上身薄到透點嘅全白恤衫西褲，兩個人拍埋就係好似黑社會大佬帶住老婆出巡咁。另外由於竹內力及明日花都曾先後於《人中之龍0》及《人中之龍極2》中出演遊戲角色，所以二人合照一出，日本網民就紛紛表示係《人中之龍》真人版。

圖片：asukakiraran on IG