{ SKIP }
文:MenClub 魏文青  
POSTED ON 08 Aug 2022

自從日本於六月推出「AV新法」以來,業界就一直用各種方法反對,著名女優「天使もえ」更加走在最前線為業界發聲,繼早前於網上與支持新法律師舌戰後,近日佢就聯同稲森美優、月島さくら,親身走到東京街頭尋求路人聯署,希望集得10萬個簽名製造輿論。

AV新法主要內容為片商要於所有演出者就拍攝內容簽訂合約,簽咗之後一個月先可以開始拍攝,拍攝完成4個月後作品先可以推出,而且作品推出一年內演出者都可以要求解除合約,作品下架。

天使もえ接受日本傳媒訪問時再次提到「AV新法」對於業界人士嘅影響。佢話「由於男優們都受新法所規管,所以假如某個男優係肺炎密切接觸者而無法參加拍攝,本來係可以換過另一個男優進行拍攝,但依家由於要重簽合約,所以拍攝就必須取消。」作為與片商有專屬合約嘅單體女優,天使もえ本來就係一個月拍一部作品,「但冇人可以保證下個月就拍得成。如果陷入呢個循環就好難繼續生活下去,每次拍攝前都會懷疑『係咪真係拍到架?』」

而且天使もえ並唔係只為女優發聲,佢指出不論男優、攝影人員以至化妝師等人,都會因為AV新法影響開工而面臨困境。

圖片:tokyo-sports

天使もえ亦提到,由於新法限制作品要完成拍攝四個月後先可以上架,所以由依家計起嘅四個月後,即係12月左右,業界能夠發佈嘅作品就會大大減少,本年冬天可能會出現嚴重嘅AV荒。

同時佢又指,知道有女仔開始於社交媒體上收到好多「同人 (非法) AV」嘅邀請,認為如果「適正AV」受新法所限而息微,可能會令更多女仔留向「同人AV」,反而會產生有更多問題。目前佢最希望縮短新法中嘅時間限制,希望收集到10萬個簽名,再去接觸政客尋求協助。

資料來源:tokyo-sports

喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025