現代人生活唔可以冇咗電話，而電話中最重要嘅App大概就係如Whatsapp、Line等各種通訊工具，畢竟你同朋友聯絡要用、返工要用、溝女要用、甚至有年輕人係連辭職都係用Whatsapp通知就算。不過據日本著名兩性關係專家「関口美奈子」，原來有啲嘢，係日本高中生一定唔會用通訊程式做嘅，就係「表白」！不過背後嘅原因，就未必係你諗咁樣啦。

この間高校生の男の子と話したとき「告白は絶対会って直接伝える。LINEとかありえない」って言ってたのね。スマホネイティブ世代でもやっぱり直接会って想いを伝えたいんだなぁって感心してたんだけど、よくよく聞いたら「文字に残すとスクショ晒されるリスクがあるから」って話で怖くて泣いちゃった。

— 関口美奈子 (@sekiguchiminako) August 16, 2022

據関口美奈子日前於Twitter發文，話佢同一個男高中生傾計時，發現即使現今通訊軟件比當年嘅SMS要更方便，但男高中生係堅持告白時一定要面對面，唔會用Line等文字訊息。其背後嘅原因並唔係因為浪漫嘅「老派約會之必要」，而係極為現實、甚至有啲黑暗嘅「唔想留低文字紀錄」；而「唔想留低紀錄」嘅原因，亦唔係方便將來反口，而係因為害怕告白訊息被公開，成為同學間嘅嘲諷對象。

的確，如果告白成功可能都冇咩事，但萬一告白失敗，而告白訊息又被公開成為全校嘅八卦話題，可以想像到係一件幾恐怖嘅事；反而另外搵機會，兜口兜面單對單告白，就算告白失敗，被流傳嘅機率亦小得多，甚至可以死都唔認蒙混過關。但另一邊廂，要約個女仔出黎直接告白，又比起用訊息告白更需要勇氣。如果你依家係個準備告白嘅高中生，你會點揀？