{ SKIP }
文:MenClub 魏文青  
POSTED ON 14 Oct 2022

唔少人都試過同某人拍拖之後,先發現對方原來係個渣男,又或者有不可告人嘅黑歷史,我甚至識得有人每逢遇到有機會嘅對象,都會上網Google佢個名,睇下搵唔搵到關於對方嘅「負評」。而美國近來就出現咗一個「渣男資料庫」,供一眾女生上傳前男友嘅「賤績」,雖然某程度上的確能夠幫助女仔避開渣男,但就引起網民討論相關嘅道德議題。

圖片:Girlpowergirlstrong.com

據外媒報導,呢個名為「Ex-Boyfriend List」嘅網頁係由一名身在美國嘅女性Tracy Teagan所成立,其原理非常簡單,就係開放予所有申請咗用戶嘅網民投稿,講述佢哋遇過嘅渣男有幾渣;而其他用家就可以透過搜尋姓名黎搵下自己嘅對象是否曾經被提及,從而了解對象嘅過去,避開渣男。

據Tracy Teagan接受《Dailymail》訪問時指,成立網站嘅原因係佢見到一名親友經歷過一場慘痛嘅離婚,而佢本人亦曾經遇過出軌嘅男人,對其造成「一生中最嚴重嘅創傷」,於是佢想搵一個地方發洩兼尋找同路人。

圖片:Girlpowergirlstrong.com

目前網站上已經有接近500篇投稿,換言之有500名男士被呢個網站——準確啲係被呢個網站嘅用戶標籤成「渣男」。網站要求投稿者必須提供前男友嘅姓名以及所在州份、地區,但就禁止列出前男友嘅電話、地址、工作地點等個人資料,「除非你想被Ban」。但其註冊過程極為簡單,只係需要一個普通電郵地址就可以,投稿前亦冇需要做任何驗證、甚至唔需要為投稿內容提供任何證據。報導指出網站會透過投稿下方嘅 (反對) 留言決定投稿是否真確,但驟眼所見絕大部份投稿都冇任何留言。簡單啲黎講就係任何人都可以投稿盡情唱衰任何人。

況且感情之事素來極度主觀,旁人根本無法單靠一家之言了解事情真相;況且亦可以想像有人會因為睇唔順眼某人而投稿,希望達至「社會性謀殺」之效。所以有關報導出街之後,網民對於「渣男資料庫」嘅睇法非常兩極,有人認為能夠幫助女性避開渣男,但又有人認為資料庫只會成為女性「圍爐批鬥男人」嘅地方。

資料來源:Dailymail

雖然話「二次元」越黎越盛行,大家對於Cosplay等二次元活動亦唔會感到陌生,但相信有唔少人對於Cosplay嘅觀感仍然係「奇裝異服」。事實上唔少日本美女都係靠Cosplay出名,然後先轉戰寫真進入所謂嘅「主流」,證明佢 ...
girls
【深夜】Cosplay寫真二刀流 你鐘意邊個「小倉あずさ」多啲?
20 Aug 2025
所謂天下無不散之筵席,哪怕係一齊奮鬥多年嘅組合,都總會遇上解散嘅時候。好似今晚要介紹呢位「奥ゆい」咁,所屬團體「#2i2」成立5年後,早前宣佈會於年尾解散。而或者係為將來鋪定後路,所以佢就仿傚一眾已於寫真 ...
girls
【深夜】團體解散尋出路? #2i2「奥ゆい」仿傚隊友進軍寫真
18 Aug 2025