{ SKIP }
文:MenClub 魏文青  
POSTED ON 19 Jan 2023

於過去嘅兩性關係研究中,一直都證實男女之間有一個非常嚴重嘅「高潮落差」,亦即女性於性愛中獲得高潮嘅比例,比起男性顯著地低。背後牽涉性別定型 (女性於性愛中嘅角色)、性教育 (女性如何獲得快感) 等多個命題。而近日一個德、英研究就發現,原來女性對於陰蒂嘅認識更多,佢哋就越容易獲得性高潮,不過呢啲高潮就同男人無關。

卻說來自德國Cologne大學嘅Marie-Feline Dienberg及來自英國Southampton大學嘅Verena Klein早前做咗個研究,希望了解女性對於陰蒂——其中一個女性獲取性快感最重要嘅部位——嘅認識,與兩性之間「高潮落差」之間嘅關係。於是佢哋搵黎573名年齡屆乎18-68歲嘅異性戀男女 (當中64%為女性),先要求佢哋回答一份關於陰蒂知識嘅問卷,然後回報佢哋於性愛時嘅快感程度、獲得高潮嘅頻密度等。

結果發現,所有受訪者於「陰蒂知識」嘅平均分為4.5/9,比起2005年時嘅同類研究幾乎冇進步,亦即係話近廿年黎大眾對於陰蒂嘅知識其實冇咩點長進。同時研究亦再次證實「高潮落差」嘅存在,女性回報嘅高潮頻密度以至快感,都比男性顯著地低。

咁個研究有冇發現新嘢呢?係有嘅!是次研究就發現,對於陰蒂認識越高嘅女性,係更不傾向認同性別定型;而「不認同性別定型」,又同「更多性愛快感及高潮」相關,換言之陰蒂知識比較多嘅女性,係更容易獲得高潮及快感。更重要嘅係,對於陰蒂認識較多嘅女性,佢哋透過自慰獲得高潮嘅頻率亦會增加,但透過與異性伴侶做愛時獲得高潮嘅頻率就冇變。換言之,女性對於陰蒂認識得更多,就越識取悅自己;反觀男士就應該於性愛時更著重女性陰蒂,令對方都能享有快感。

資料來源:Does Clitoral Knowledge Translate into Orgasm? The Interplay Between Clitoral Knowledge, Gendered Sexual Scripts, and Orgasm Experience

日本係唔少人去旅行嘅首選之地,近日甚至有報導指日本上半年嘅旅客數字急增21%,全年有望達4000萬人次成為全球第一。但相信經歷過當年一街都係水貨客嘅香港人,應該深知所謂「觀光公害」有幾咁影響民生。近日有日本 ...
thezone
【日本】《Slam Dunk》聖地成觀光公害重災區 遍地垃圾、大小便 居民被逼搬家
18 Sep 2025
《射雕英雄傳》中,自從郭靖學識降龍十八掌之後,無論面對任何花招佢都係一掌推埋去搞掂,說明只要擁有絕對實力,就唔需要啲咩奇技淫巧,亦即所謂「一力降十會」。點解我要喺深夜系列同你講武俠小說?因為我喺今晚要 ...
girls
【深夜】一力降十會 100cm「白川のぞみ」實力深厚
17 Sep 2025