{ SKIP }
文:MenClub 魏文青  
POSTED ON 18 Apr 2023

早前宣佈8月引退嘅AV女優三上悠亞近日更新YouTube,除咗談到上週完成引退作拍攝,當中更有大戰三名男優嘅「4P」場面外。更談到出道初期拍到喊嘅經過。

三上悠亞上週六更新YouTube,上傳咗引退作完成當日後嘅感想,並邀請頗為靚仔嘅男性經理人出鏡一同分享。當中三上悠亞就提到拍攝引退作時,去到現場先發現有4P劇情,表示自己雖然唔討厭,但「多人活動」真係好攰,並表示入行八年黎無論心態、體力上都已經有好大轉變。

經理人隨後就問,8年黎印象最深刻嘅係場面係咩?三上悠亞就回答係有一次喺片場拍到喊。據佢回憶,身為片商S1專屬嘅佢,去為另一片商Moodyz拍攝「交換作品」,所以要同未見過嘅導演合作。雖然事前佢非常興奮,但一開始拍攝就發現拍攝時間變得非常長。一般作品拍攝一個場景,大都係於30-40分鐘內完成,要拍50分鐘已經非常少見,但當日每個場景卻要拍個半鐘。

三上悠亞表示,拍得耐嘅後果就係連男優們都睇得出地疲倦,而佢本人亦一直奇怪點解拍極都拍唔完,只係憑住毅力堅持落去。但更攞命嘅係,凌晨時份終於拍到最後一場嘅最後部份,但男優對手卻有「遲漏」嘅問題,一直都未能完事,加上當時全場所有人都係等佢收工嘅氣氛,令男優更有壓力,結果佢連續試咗五次都能收尾。三上悠亞終於忍唔住要求暫停拍攝,然後返休息室一邊大叫「我要返屋企」一邊大喊,而同佢感情深厚嘅女性經理人見到佢喊又一齊喊,結果二人相擁痛哭。最後經過事務所介入下先完成拍攝。

由於三上悠亞提供嘅資料頗為詳盡,有網民好快就估到佢講嘅作品係2018年嘅「MIDE-599」。有趣嘅係,該作品中三上悠亞要飾演一個「早泄」嘅女仔,但拍攝時就遇上一個「遲漏」嘅男優,都幾諷刺。

大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025