近年唔少研究，以至成人玩具品牌都大力推廣自慰以及高潮嘅對於人體健康嘅好處。而為咗進一步推廣，成人玩具品牌「Lovehoney」近日就宣佈會招募十名用家，組織成「高潮諮詢委員會」，簡單啲黎講就即係畀錢你自慰。

圖片：Lovehoney

據Lovehoney於官網上宣佈，呢個「高潮諮詢委員會 (Orgasm Advisory Board)」嘅主要工作，其實就係親身去試用佢哋推出嘅產品，而品牌就會用呢啲意見去改善現有產品或者開發新產品，從而提高產品質素及包容性。

每名委員會成員，每年會獲得1000美金嘅薪酬，雖然睇落好少，但佢哋每個月都會獲得品牌免費送出，價值至少250美金嘅性玩具，而且仲會自動成為品牌嘅「聯盟行銷 (Affilaite)」成員之一，亦即係如果有人用佢哋嘅專屬代碼購買產品，佢哋都會分到一部份利潤。

圖片：Lovehoney

而委員會成員要做嘅嘢，就係每個月親身試用收到嘅產品，填寫相應問卷、參加小組討論，向品牌提出改善意見等。較為特別嘅係，委員會成員仲要製作相關內容，以進一步推廣品牌以及性健康。不過目前品牌就只係打算於美國及加拿大招募十名委員會成員，只要年滿18歲並居住於北美就可以申請。唔知佢哋有冇打算黎香港招募呢？大家又有冇興趣打多份兼職呢？

資料來源：Lovehoney