鮑魚作為海鮮固然係唔少人嘅至愛，同時由於其「獨特」外型，所以鮑魚喺唔少男士心中亦有一個非常「獨特」嘅聯想及吸引力。如果你自問都係一個鮑魚愛好者，而且夢想就係成個頭「質」落一個巨型鮑魚到，咁以下呢個日本Amazon有售嘅超巨型鮑魚攬枕，可能就好適合你。

話說有個叫「Singel Many」嘅品牌於日本Amazon上推出咗一套九款「巨型貝類攬枕」，當中有蠔、有蜆、有螺仲有海星，而且每一款都有50cm大，加上超像真嘅3D印刷技術，令大家可以無時無刻都攬住自己最鍾意嘅貝類海產。而九款攬枕之中最搶眼嘅當然就係隻極具視覺衝擊力嘅超巨型鮑魚，你睇佢嗰兩片唇 (其實係鮑魚嘅足部肌肉) 幾咁豐厚飽滿！手感……I mean口感一定非常好！

由於攬枕嘅設計實在太擔眼，而且只賣3,200Yen (約HKD$170)，所以整個系列於8月尾上架後就被人搶購一空，目前每一款都等候補貨中。換言之如果大家想完成「一頭質入鮑魚」嘅壯舉就要再等多陣啦。

資料來源：Amazon