{ SKIP }
文:MenClub 魏文青  
POSTED ON 13 Jun 2024

日本著名寫真女星「村島未悠」近日被《週刊文春》爆料,指佢於休養期間與已婚日本籃球員「藤井祐眞」密會不倫,事件令二人形象大為受損,即使「村島未悠」於X(Twitter)上發文道歉亦不能平息眾怒,更有網民留言「MUTEKI見」。

村島未悠

藤井祐眞

現年25歲嘅「村島未悠」早年曾以「MIYU」之名,於日本偶像團體「CHERRSEE」出道,後來改以寫真女星開始活動,並憑著可愛外貌以及F Cup身材獲日本傳媒封為「令和No.1 神Body」。轉戰寫真界後嘅佢事業發展迅速,除咗不時為各大雜誌拍攝寫真之外,亦有電視節目及舞台劇演出邀約。不過5月尾時佢就突然宣佈身體不適,經醫生建議後需要暫停所有工作休養,甚至安排好嘅舞台劇都要辭演。

而據《週刊文春》報導,於「村島未悠」宣佈休養後冇幾日,六月初時就拍到日本籃球隊「川崎Brave Thunders」副隊長兼前國家隊代表「藤井祐眞」一週內三次到女方家過夜。據報「藤井祐眞」於五年前與圈外人結婚,目前育有一個女兒。換言之「村島未悠」與「藤井祐眞」嘅關係為不倫之戀。

報導出街後,「村島未悠」於X發表簡短道歉聲明,表示自己於「療養中嘅輕率行為,為家人、相關人員及Fans帶來不便,我謹表示誠摯的歉意。未來,將會以能夠獲得大家信心與支持的方式行事。」

不過觀乎帖文下嘅留言,網民就似乎並不賣帳。唔少都表示對佢陷入不倫戀感到失望,亦有人質疑佢篇道歉文太過公式化,甚至懷疑係AI代寫。不過最誅心嘅留言,就係「MUTEKI準備好了」、「期待你嘅MUTEKI出道作」。「MUTEKI」係著名AV片商,專出前藝能人嘅下海作品,過往嘅三上悠亞、高橋聖子等都係於MUTEKI 「AV出道」。

資料來源:文春Online

雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025