{ SKIP }
文:MenClub 魏文青  
POSTED ON 17 Jun 2024

男人會叫AV女優做「老師」,通常都係為咗表達對方隔空教導大量「知識」嘅感激之情。不過前AV女優三上悠亞近日就於電視節目中,化身為真正嘅老師,講述自己從偶像到女優嘅失敗經驗,希望能夠成為大家嘅反面教材。

話說日本朝日電視台有個叫《しくじり先生 俺みたいになるな!!》(直譯為:失敗老師 不是像我一樣搞砸了!!)嘅節目,主要就係搵不同藝人上黎做「老師」,分享佢哋人生中嘅失敗、搞砸經驗,並希望來賓及觀眾能夠引以為鑑。而節目最新一位嘉賓,就搵黎曾以「鬼頭桃菜」之名於AKB48做過偶像,後來轉戰AV界嘅「三上悠亞」黎做老師。

一連兩個星期嘅節目中,三上悠亞先係大談自己做偶像時犯下嘅錯誤。佢表示自己做偶像時基本上係個問題兒童,認為擁有偶像身份就已經係最終目標,所以毫無職業素養,與男Fans嘅互動亦如同朋友去玩一樣,結果就被爆出私下生活不檢點,被團體降為研究生處分。雖然1年8個月後佢重新成為正式成員,並開始拍寫真令人氣急速上升,但好快又被媒體拍到與男子熱吻,令人氣跌入谷底。當時嘅佢唔單止所有工作被取消,日行程一片空白,就連公演時一去到佢嘅部份,台下Fans都立刻停止所有應援完全安靜,令佢覺得自己身處地獄之中。兩次事件令佢學識:「真正嘅專業係於私人時間都保持專業。」

後半部份三上就談到轉戰AV界嘅經歷。佢表示佢嘅AV出道大賣,令佢首次覺得自己被認可,搵到屬於自己嘅位置。但佢亦表示拍攝AV需要大量體力與腦力,而且業界非常殘酷,係一個「超實力主義」嘅世界,只要作品賣唔出你唔會接到任何拍攝邀約,甚至有人係想入行都沒機會。超激烈嘅競爭令要維持於一線非常困難,「能夠保留兩、三年已經很了不起」。至於當被問到佢能夠於業界生存9年嘅心得,三上稍為思考後表示係「色情(エロ)」、「你必須要夠色情先可以勝任呢份工作。」

節目嘅最後,三上提到自己嘅性愛初體驗發生於初中二年班。有趣嘅係,當時嘅男朋友曾經同佢講:「如果你去拍AV的話,一定會大賣。」三上指當時覺得對方係個白痴,但依家回想,就醒起對方係個好鐘意睇AV嘅人,「而如果一個好鍾意睇AV嘅人都咁覺得,咁可能真係慧眼識英雄」,亦令佢覺得拍AV可能係自己嘅「天職」。

兩集節目都可以於Abema TV上免費觀看,不過就只限日本IP——你知我想講咩啦?

如果你只係睇「松山あおい」嘅寫真照,你可能會以為佢又係一個以嬌小身型作為賣點嘅「蘿莉向」寫真女星,但當你望望佢個個人資料,你先會發現原來佢已經30歲,繼而發現佢本職係一個「創意歌手」,如果你再做多少少資 ...
girls
【深夜】合法蘿莉原來多才多藝 創意歌手「松山あおい」
27 Sep 2024
日本《週刊Young Jump》舉行嘅「制コレ」(全名:全国女子高生制服Collection)歷年黎都吸引到唔少仲做緊學生嘅少女參加,而當中非常多人都借呢個比賽作為踏板,躍進寫真界或其他演藝界別。而今晚要介紹嘅呢位「蓼沼 ...
girls
【深夜】制コレ得獎者長大了 「蓼沼優衣」散發大人魅力
27 Sep 2024