{ SKIP }
文:MenClub 魏文青  
POSTED ON 03 Dec 2024

就憑依家唔少網紅都有經營自己嘅付費粉絲平台,你就知道從Fans身上直接搵錢——特別當嗰班係鹹濕Fans——絕對大有可為。但大家未必知嘅係,呢個「大有可為」實際上究竟可以有幾「大」。近日美國一名坐擁千萬Fans嘅網紅「Sophie Rain」,就對外公開其年收入,而數字係驚人嘅4300萬,美金!即約港紙3.3億!

話說於目前於TikTok有超過900萬Fans、IG超過500萬、Snapchat有300萬、X上都有260萬,加起黎總計Fans數超過2000萬嘅Sophie Rain。而被稱為「Onlyfans上嘅終極大Boss」嘅佢,早前登上一個Podcast訪問時被問到:「我知道有人能夠靠OnlyFans月入40萬美金,所以我想知道你每個月搵幾多?」Sophie Rain先係有啲猶豫地表示「我唔想傷害你嘅感受」,但當主持人進一步追問時,佢就直接將電話上嘅Onlyfans後台數據展示畀主持人。而主持人睇到數字之後,沉默咗近十五秒先講得出:「我眼淚都出黎…400萬?400萬??」隨後更「指責」觀眾:「你班男人點解會有咁多錢?」

由於訪問片段於網絡引起廣泛討論,所以Sophie Rain隨後於個人X(Twitter)上分享Onlyfans數據截圖,從中可見自去年11月到今年11月間,其總收入為4347.7萬美金,即約3.38億港紙。後續佢再分享多個單月數據,例如今年11月同7月佢收入都係391萬、10月係375萬、8月更高達397萬。

 

 

年收入4300萬美金係咩概念呢?根據BBC於今年10月嘅報導,全球收入最高嘅足球員中,排第十名嘅Kevin De Bruyne年收3000萬鎊,即約3800萬美金左右;而如果唔計代言等收入,單計球員薪資,Dallas Mavericks嘅當家球星Luka Doncic今年人工亦係4300萬美金。

現年20歲,來自美國邁阿密嘅Sophie Rain本來係一個餐廳服務生,但後來因為一條著住蜘蛛俠緊身衫嘅TikTok影片而爆紅(有趣嘅係,到依家佢都仲否認當日條片嗰個係佢黎),又被老細懷疑佢係AV女優而被炒魷,於是就將錯就錯改為經營社交媒體為生。事實上佢加入Onlyfans只有一年時間,但已經成為平台上最搵錢嘅網紅(極大可能沒有「之一」)。另外有網民推測,Sophie Rain嘅會員月費只係10蚊美金,首月加入仲有平價優惠,所以相信其大部份收入都係來自會員另外付費嘅特製內容。

日本媒體經常會為寫真女星起「朵」黎製造話題,但所謂「創意也有涯,而女也無涯,以有涯隨無涯,殆己」,所以有時就會出現連起朵都撞名嘅情況。好似今晚要介紹嘅呢位號稱「令和最強メリハリボディ」(減り張りBody) ...
girls
【深夜】媒體起朵都可以撞名 「辻りりさ」係咪令和最強「減り張り」Body?
28 Mar 2025
相信唔少人做嘢做到攰、或者意興闌珊之時都講笑話過「搵人包養算啦」。但近日一名澳洲Onlyfans(OF)網紅就唔單止咁諗,而且仲用一個非常出位嘅方法付諸行動佢租咗架廣告車於悉尼富人區遊走公開招Sugar Daddy結果就 ...
thezone
【趣聞】富人區貨車廣告招Sugar Daddy 澳洲OF網紅「報名先附銀行結餘截圖」
27 Mar 2025