{ SKIP }
文:MenClub 魏文青  
POSTED ON 11 Dec 2024

交友App呢家嘢相信大家都唔會陌生,甚至非常熱衷。但一般而言,大家都認為交友App上嘅關係只適合「玩吓」,如果有人同你講佢男或女朋友係於交友App上認識嘅,你或者會立即用批判性嘅眼光去審視對方呢段關係。不過,據外國一個新研究顯示,其實於交友App上認識嘅情侶,其感情狀態與用傳統方法認識嘅情侶無咩分別。簡單黎講就即係,交友App上其實都有機會識到真心人!

美國德州Baylor大學人類科學助理教授Mickey Langlais早前公佈佢嘅研究成果。佢先搵黎233名年滿18歲嘅大學生,當中有120名目前拍緊拖,而且有34人係從交友App上認識目前嘅另一半;另外所有受訪者當中亦29人嘅前度男友/女友係於交友App上認識。研究中呢233名受訪者要按佢哋目前、或對上一次嘅感情,回答一份有關「感情質素」(即係滿意度、親密度又或者信任等)嘅問卷,隨後再將答案分成「交友App識另一半組」以及「傳統方法識另一半組」作比對,睇下兩組之間嘅感情質素有冇差別。

結果就發現,無論講緊嘅係現任定前度,「交友App組」及「傳統方法組」嘅感情狀態都無統計學上嘅差異。換言之喺交友App上開始嘅關係,其實就同普通關係一樣。Mickey Langlais指出,對於交友App嘅污名化減少,以及使用交友App變得越黎越尋常,可能係導致上述結果嘅原因。換言之交友App已經融入一般感情關係之中,未必再係大家心目中嘅「約炮」App。

資料來源:Dating Applications versus Meeting Face-to-Face: What Is Better for Romantic Relationship Quality?

若果以男性嘅審美標準去睇女性身材,咁一定係有啲肉最好仲係長對地方嘅肉先係最好睇。但咁又唔代表我哋唔識去欣賞為咗好睇而努力減肥嘅女性喎!好似今晚要介紹嘅呢位「長野雅」咁,就於進軍水著界前用兩個月內減咗10 ...
girls
【深夜】兩個月減十KG進軍寫真界 前HKT48「長野雅」被讚神Body
08 Oct 2025
大部份嘅感情狀態,都跟隨住「單身獨居、拍拖獨居、拍拖同居,再到結婚同居」呢幾個步驟,好似跟足哂呢幾個步驟特別係到達「結婚同居」就一定係最開心,最滿足。不過近來一個歐洲研究就發現,雖然進入一段穩定持久嘅 ...
thezone
【兩性】結婚不會增加人生滿足度?研究發現大部份滿足來自開始新關係
08 Oct 2025