{ SKIP }
文:MenClub 魏文青  
POSTED ON 08 Jan 2025

講起日本特攝片廠商,大家第一時間應該會諗起出過《幪面超人》、《超級戰隊》嘅東映,又或以《Ultraman(俗稱咸蛋超人)》系列起家嘅圓谷製作。不過近來有一個「新晉」特攝片商,憑住將自家製作嘅高質特攝片免費放上YouTube供人觀看而成為熱話——Well,一半原因啦。另一半原因呢,就係呢間廠,其實係AV廠商「GIGA」黎!

 

話說日本繪師「たまやん2nd (@tamayan2nd)」於12月31日發文,表示當日臨收工前,工作地點嘅副店長同佢介紹YouTube上一個叫「ギガ特撮チャンネル(GIGA特攝頻道)」嘅頻道,話有免費嘅戰隊特攝片可以睇,於是兩個人就一齊睇咗其中一集,而正當「たまやん2nd」感嘆無論特效、服裝定動作場面都做得十分精良之時,副店主就同佢講:「其實佢仲有被怪人打敗後嘅if路線AV」,瞬間震碎推主嘅三觀。而呢個有趣帖文,亦令日本網民開始關注「ギガ特撮チャンネル」嘅來頭。

其實「GIGA」係一間成立於1995年專出「特攝片」主題AV嘅片商,當中大部份AV情節都係「戰隊女隊員被怪人打敗後慘遭凌虐」之類。但或者因為「特攝」先係佢哋真愛,所以自2021年佢哋就成立「ギガ特撮チャンネル」,推出雖然都係由AV女優主演,但就冇任何「18禁」情節、而且製作非常精良、正正經經嘅特攝片;另一邊廂,又會如呀副店長所講,推出「戰敗if路線」嘅AV,以滿足有志之士嘅生理需要。

AV版本封面

順帶一提,根據我完全係因為工作需要先進行嘅「研究」,即使係AV版本,該有嘅打鬥、變身場面依然都有,而且同樣維持高水準。正如「たまやん2nd」所講,真係會令人懷疑「點解會係一部AV黎呢?」

唔少於寫真界發展嘅女星,當初入行時其實係想做其他嘢,只係最後因為各種機緣巧合接觸到寫真,本身又真係有呢個條件,所以先繼續做落去。好似今晚要介紹呢位「日向葵衣」咁,就係一個好例子。而且唔好以為咁樣佢拍寫 ...
girls
【深夜】立志入行做聲優 「日向葵衣」變成長型寫真女星
15 Oct 2025
早幾年疫情時大家被逼在家工作(Work From Home, WFH),然後就發現原來唔使返Office係一件非常舒服嘅事。可惜嘅係自從疫情過去後,好多企業都開始滅少員工在家工作嘅時間,甚至直接要求員工必須每日於辦公室現身。 ...
thezone
【兩性】遲來的研究結果?史丹福教授:「Work From Home增加生育率」
15 Oct 2025