自從早幾年香港再次出現「追星潮」之後，至今仍然有一群忠實Fans出心出力出錢追星，假若你對個星冇咩感覺，或者會覺得「使唔使呀？」但如果我話你知，近日日本有位金主，合計用咗400萬Yen，即係約200,000港紙去買AV女優「新有菜」（新ありな）及石川澪著過嘅原味內衣，你會又會反而覺得仰慕呢？

圖片：FANZAオークション

據台灣AV達人「一劍浣春秋」（劍大）近日報導，有一位叫「サリエル」嘅用家於FANZA Audition（FANZAオークション）上，經過312口價後，用2,700,100Yen，即約14萬港紙成功拍下底價1,000Yen嘅石川澪嘅原味內衣以及兩張親筆簽名即影即有相套裝。

回顧拍賣紀錄，呢位「サリエル」係於拍賣價去到20萬Yen以後先加入，隨後就設定自動競標，任何人出價都會加100Yen還價。到中後段就出現多位有志之士競逐，其中名字非常搶眼嘅「雁矢廣裕楚東京理科大」（似乎唔係真實學校名）以及「ナナちゃんナナちゃん」等人更先後以10萬一口，甚至40萬一口推高價格。到最後階段「サリエル」再次以「加100Yen」策略成功抵住「アッキボール」4萬、4萬咁加上去，最終令拍賣價衝到270萬Yen嘅位置。

圖片：FANZAオークション

更令人驚訝嘅係，「劍大」留意到「サリエル」早於三月初，就已經同樣用高價標到另一著名AV女優、即將引退嘅「新有菜」嘅原味內衣及即影即有套裝，價錢亦高達1,250,100Yen（約HK$6.5萬）。而我哋仔細睇過競標過程後，發現「サリエル」同樣係用「加100Yen」策略成功奪標。換言之佢今個月就用咗近400萬Yen，大約20萬港務紙去買AV女優內衣。

咁你話啦，你依家覺得「使唔使呀？」定係「好羨慕呀」？