市道唔好，搵工艱難，所以好多人就算唔鍾意依家份工都唯有吞聲忍氣做住先。不過近日日本就出現一個難得一見嘅工作機會：AV女優「佐野ゆま」公開招募包養，而且唔係你包養佢，而係佢出月薪30萬Yen（約HK$1.6萬）包養你！只要你符合六項條件就得啦！係咪好想試下呢？

話說2017年出道、以175cm高身長及G Cup（部份資料話係D啦）身材為主要賣點，目前於東京六本木著名陪酒店「紅龍」（レッドドラゴン）工作緊嘅「佐野ゆま」日前於個人X上發文，公開招募包養對象。佢開出嘅條件係每月可以提供30萬Yen左右，但應徵者必須符合六大條件，包括能每週於東京都內見面2至3次、要好似對公主咁寵愛佢、要無性慾（因為「做愛嘅時機由我決定」）但同時又唔可以係「抖S」或者陽萎，而且要有工返、識飲酒以及無女朋友。

報名方法就只需讚好及轉推佢嘅帖文就得。被選中者會先進行面試，而且佢仲會提供一萬Yen嘅面試車馬費。雖然人工就唔算好高，但淨係面試都有車馬費呢點都已經比唔少大公司更好啦！

咁你話有無人報名呢？答案係絕對有，而且仲非常多。喺發出招募文兩日後，「佐野ゆま」於X上表示收到超過400個應徵DM，而佢亦開始逐個翻閱挑選出面試者。另外佢要求應徵者要附上手部照片以供挑選，睇黎佢對手係有特別要求。如果你自問能夠勝任呢份工，或者都可以去碰碰運氣架！