一提起「時尚模特兒」，唔少男士可能會諗起「高頭大馬」、「瘦骨嶙峋」、「黑口黑面」等貶義詞，簡單黎講就唔係個個男人都鍾意——畢竟人哋個主要客群係女性嘛，麻甩佬睇唔慣好合理呀！但今晚要介紹嘅呢位「加藤栞」，就可能係少有男女都鍾意嘅時尚模特兒，事關佢時尚得黎又可愛性感，最重要係佢仲會拍寫真畀大家睇呀！

現年20歲嘅「加藤栞」係近年當紅嘅日本時尚雜誌模特兒。早年佢曾經參加少女雜誌《Seventeen》嘅專屬模特兒徵選，仲入到最終名單，可惜最終未能獲勝。不過之後佢仍然順利出道，拍廣告、拍YouTube，仲拍過電視劇，結果2021年時就如願以償成為《Seventeen》專屬模特兒，同年更出席「超十代 Premium 2021」、「TGC teen 2021 Summer」等時尚活動，稱得上係時尚界嘅當紅人物之一。

2022年時，佢就首次於《週刊Young Jump》上獻出寫真處女作，結果令一眾男士發現佢除咗有166cm修長身型、可愛臉孔之外，原來平時嘅靚衫仲遮住佢頗有睇頭嘅上圍以及一雙筆直修長美腿，成功打入男士市場。去年12月推出嘅首本個人寫真集亦反應熱烈，證明時尚模特兒都可以受男性喜愛嘅！

IG：shioriii810