行路嘅時候，輕輕用手傍住女生嘅背，引導行走方向
呢個舉動畀人感覺好Gentlemen，既可以從後保護女生，令佢有安全感；又可以引導佢行正確方向，唔會迷失，嗰下女仔都會覺得好放心，加上少少嘅身體接觸，就更有心跳感覺。

將長袖裇衫捲至七分或五分位置
就好似男人突然見到乳溝一樣，女生見到男生突然露出少許肌膚，都會有心動嘅感覺。特別係對手有少少根咁樣，望落真係會覺得好Man！

堅定深情嘅眼神交流
堅定咁望住對方，令女生覺得呢位男士好專注於自己，而且充滿自信，非常吸引！

對小朋友無微不至
呢個行為會令女生充滿幻想，幻想呢個男士咁好仔，如果同佢拍拖、結婚、生小朋友，一定會好幸福。

專注於某件事情嘅時候
一向都話男人專心做嘢時，個樣係最Man最吸引。

綁Tie嘅時候
就好似有啲男人覺得女仔綁頭髮時好性感，其實女仔都會覺得，男人綁Tie嘅時候好有男人味。

可以處理任何事情
更叻嘅女強人都有小鳥依人嘅一面，如果個男人好叻，可以獨自處理任何事情，女生會覺得佢好犀利，有種崇拜心態。