雖然係同音，但此「搓陰」絕對比彼「初音」重要得多！對啪啪啪而言，「搓陰」簡直係不可或缺嘅前戲部分！加上坊間有傳，「陰蒂高潮」比「陰道高潮」成功率更高，如果唔想完事後另一半仲係Dry過Superdry，咁喺正式進入前令佢「熱菇」一次先都叫做交到吓貨。

不過～人人敏感度都唔同，有啲囡囡陰蒂敏感啲，搓兩搓就抽晒筋；有啲就冇咁敏感，你搓成半個鐘佢都仲係到喉唔到肺，辛苦你之餘佢都難頂。唔想搓到第二日手指都爆肌嘅話，巴打就要學學以下幾招，等你女友更易高潮，慳力水好多！

唔好淨係搓陰蒂

咪以為陰蒂係最敏感部位就淨係狂Hit陰蒂，咁做只會拖慢高潮時間。適當地撫摸陰唇內外同埋陰蒂嘅包皮，都可以有效勾起對方性慾，令佢更易獲得高潮快感。

搓陰蒂時力道要夠輕

撫摸陰蒂時千祈唔好以為愈大力愈有Feel，盡可能輕力同溫柔，就好似細細力搓眼皮咁。

改變手指速度

撫摸陰蒂時唔一定一味同一速度，不妨時快時慢去測試對方反應，睇下佢當下想你點配合佢。

手口並用

呢樣唔使講，男士都明用手同用口有咩分別，舌頭嘅魔力真係不容忽視。