{ SKIP }
文:MenClub Mean娜  圖:互聯網
POSTED ON 01 Mar 2017

睇開MenClub嘅讀者應該心水清,夜晚十一點半呢段時間都會由Mean娜放出各種重口味或關於性愛嘅文章,話晒深夜時段,係講呢啲咸濕嘢多架喇。不過今晚我想特別少少,同大家講比較沉重嘅話題——「自殺」。


可能大部分讀者都希望喺MenClub放鬆一下,睇下女睇下Kai嘢笑下就算,不過有見於近期接二連三發生多宗學童自殺個案,作為傳媒,一個新聞工作者,冒住呢篇會呃唔到Like嘅風險,都想借用大家少少時間,關心學童自殺議題。




Mean娜之前喺網上見到有個叫《不可理喻的世界》嘅網路漫畫,講嘅都係日常成日遇到、非常簡單又普通嘅事,但偏偏呢啲看似正常嘅生活,卻又最唔正常,令人喘不過氣。


雖然《不可理喻的世界》只有短短數格,但卻道出人生中好多不可理喻嘅事情。故事開首係一個女學生向喜歡嘅男生表白,但個男仔就同佢講︰「哎呀~對唔住,我鍾意短頭髮嘅女仔。」於是女學生就剪掉一頭長長嘅秀髮,迎合男生喜歡嘅口味,再次表白,但個男仔就話︰「好多謝你嘅心意,但你唔係我鍾意嘅類型。」但原來雙重標準喺呢個世界上周圍都係,女主角慢慢發覺人生充斥著難以適從嘅真相。




「唔好因為畀人鬧就粒聲唔出,要好似平時咁好好同對方講清楚。」


「點解你畀人鬧都仲可以咁心平氣和?你有冇真係好好反省?」


無論你點做,啲人都可以話你錯,就算佢哋講嘅說話如何矛盾、如何自打嘴巴,道理都不在自己身上。後來女主角睇唔透呢個世界,變得愈來愈陰沉,成為被欺凌嘅對象……


「你快啲去死啦!」


「點可以自尋短見呢?咁樣大家都會好傷心!」



女主角就連自殺,都要聽到反覆嘅說話,一時話去死,一時話唔好死。到最後,女主角講咗句︰「真係不可理喻……」就結束自己嘅生命。




唔少日本網民睇完篇漫畫都表示好有共鳴,就用父母同孩子為例,父母可能成日都將自己嘅孩子同其他小朋友比較,見人哋小朋友成績好、品行好,就叫自己個仔︰「你學下人啦!」但當小朋友見到同學有新玩具,想扭下計叫父母買嘅時候,父母又會一句得埋嚟︰「唔好同人比!人哋係人哋,我哋還我哋!」


作為大人,唔難明白父母嘅心思,但作為小朋友,係咪有足夠理解能力明白父母想點?就連大人對一時一樣嘅說話都感到困窘,咁以大人為榜樣,咩都聽大人指令去做嘅小朋友,又應該點做?身教唔係得把口,放低「大人」嘅身份,承認自己嘅不足,多啲聆聽孩子嘅心底話,如果連父母都唔清楚自己孩子係點,又點能夠讓孩子好好「做自己」?失去自我嘅人,既然世上唔需要「自己」,只需要一個又乖讀書又叻嘅軀殼,小朋友又點有希望好好為自己活下去。


每年日本各大雜誌舉行嘅寫真選美比賽都吸引超多女仔報名,但最終能夠獲得大家留意嘅好可能只有總冠軍一人,整個過程堪稱「一將功成萬骨枯」。但其實就算唔係冠軍,能夠脫穎而出進入最終名單嘅女仔都有獨特嘅吸引力。 ...
girls
【深夜】3000人中脫穎而出 又圓又軟的「藤本沙羅」
13 Jun 2025
雖然喺唔少麻甩佬眼中,日本嘅寫真偶像同AV女優只係「除多件、除少件」嘅分別,似乎寫真女星一個唔覺意就真係會下海。但其實喺日本,兩者之間有條非常明確嘅分界線,而絕大部份寫真女星就算發展得再差都唔會選擇投身 ...
girls
【深夜】係咪有咩端倪? 與女優共演嘅「徳江かな」
13 Jun 2025