夏日炎炎，出面不單止曬，仲要係3X度的高溫，如果你今日仲有心出去睇龍舟，咁你真係一個屬於夏天嘅男人。呢個天氣，作為一個專業慵懶大叔，一定是安坐冷氣地方，慢慢歎杯冰涼的靚酒！問題來了，你想慢慢飲，但粒冰又快快溶，杯酒瞬間變水咁淡，隨咗用啲金屬Freezing Cube之外，仲有無方法可以保持杯酒的風味？一百萬的題目，最後答案 : Beyond Zero。

說穿了，Beyond Zero只是一部製冰機，奇妙之處是它是世上第一部用酒製冰的機器，而非用水。創辦人Jason Sherman日前於芝加哥的NRA Show 2017，首次將Beyond Zero呈現在各位專業行家的眼前。這部劃時代的製冰機只需數分鐘，便可以裝酒液冷卻成冰，據說酒冰會比一般的冰溫度更低。

Beyond Zero分成製機冰與儲冰冰格兩個獨立部份，用家將酒液倒進製冰機，等待幾分鐘，便可於冰格處取出。將不同的烈酒調和，其酒冰的顏色亦會相應變化，玩色彩鮮明的Cocktail其實幾正。

以酒製冰，溫度更低，營造出更佳的煙燻效果，隻杯都可以Chill得更顯眼，解決咗溝淡的問題，飲家可以更專心享受冰凍的靚酒，需知道杯酒凍啲，飲落會更Smooth，3X的高溫之下，消夏效果更佳。唯一的問題是，Beyond Zero暫時仲係商業用，要成US$5,000一部，若然唔係開酒吧，都幾難會特登買呢部機。