如果錶壇有最佳進步獎，這幾年的得獎者必定非Tudor莫屬。高級腕錶市場持續疲弱，眾多傳統品牌都倍感壓力，但Tudor的表現絕對是跑贏大市，仲要贏幾條街嗰種。之前已在MenClub分享過，素來予人平民版Rolex的形象，但近年的設計，還有出品自家機芯的進程，使Tudor漸漸脫離Rolex Sub-brand的角色，開始能夠獨立成家。

大熱的潛水款Tudor Heritage Black Bay Bronze，MT5601機芯由品牌獨立研發、製造、組裝，整套工序一絲不苟，無花無假。特別的銅殼質感相當特別，年月洗刷成獨有的光澤與紋樣，加埋彷古皮錶帶，復古味甚濃，定價HK$28,500，三萬有找是真心的抵買，見到不必猶豫，大可入手。

Black Bay之勁，連碧咸都抵受不住誘惑，正式成為品牌的代言人。不過他宣傳照戴著的是2017 Basel新款BB S&G，41mm不鏽鋼錶殼，搭載同樣是自家研發的MT5601機芯，機芯頻率為每小時28,800次 (4赫茲)，提供70小時的動力儲存。

咸爺今次以西裝斯文Look，加一個Casual造型示範這款BB S&G，但講真搵得咸爺做代言，人Carry錶，戴乜都好睇啦~ 唔信? 巴打們試下去H&M買件衫就明哂啦。