每位 HK$328，連埋加一都三百六左右，己經可以享受到一個咁正的 Happy Hour，如此抵Deal又增加我去DRAGON-I蒲的慾望。先睇睇呢個Set的各樣靚酒佳餚，首先是夏日必飲的加冰香檳Moët & Chandon Ice Imperial，全白色的酒樽，不知道飲家們試過未，特別之處在於佢可以加冰飲，3X度高溫之下極之涼透心，加冰之餘仍能保持活力爽快的果香，襯返個魚子醬、生蠔，一個字 : 爽！

記得這款Ice Imperial是著重夏日爽快感覺的特殊產品，若果用一般品鑑香檳的細膩觀感去審視，則未免本末倒置了，說到尾，Happy Hour最緊要Happy嘛。另一主角西班牙的魚子醬，非常新鮮，啖啖有煙燻、鹹香味道，加埋Crackers一齊食，傾傾下偈已經發現自己食到停唔到口。

最唔少得，當然是生蠔啦！我知對蠔迷來講，一打隻並不算多，但對一般愛食生蠔的巴打，相信12隻絕對夠皮。生蠔主要有兩款俾大家揀，當中包括來自Tasmania南部，近澳洲Cove Kettering海岸的塔斯馬尼亞生蠔，口感清新爽脆，帶有海水的鹹味；另外可揀愛爾蘭石蠔，味道較為清淡，並帶有礦物味。不過，由於DRAGON-I堅持供應最靚、最新鮮嘅蠔，有時佢地會轉成美國、法國、或其他產地的靚蠔，呢點大家要留意返。

生蠔產地可能會有變動，巴打記得問，以免失望

從即日起的星期3至5，5PM – 9PM，以Happy Hour嚟講，時間都相當長，大家放工去食，都可以歎返夠本。歡樂時光推出以來，反應一直非常熱烈，為確保有酒飲有蠔食，或者想坐 indoor，大家記得記得打去訂位啦！

Dragon-i

時間 : 星期三至五，5PM – 9PM
地點 : Dragon-i，UG/F, The Centrium, 60 Wyndham Street, Hong Kong
訂位 : 3110 1222