雖然英超新一季已經開始，但我知好多利物涌迷都仲係沉醉喺上季奪冠嘅興奮之中——因為每次睇波我啲利記Fans朋友都會趷個頭出黎提一提我 (利申曼)。咁實際上大家又真係未慶祝完嘅，好似德國啤酒Erdinger咁，就為咗利記教練高普推出「高普冠軍紀念版 Erdinger小麥白啤酒」啦！

德國啤酒為德國教練慶祝，好合理呀係咪？但要留意Erdinger係為高普慶祝，而唔係球隊 (大家都知利物浦同邊間啤酒熟啲)，所以個罐大大個高普樣、簽名，又係紅色底，但就冇利物浦嘅元素。而啤酒本身，就係德國巴伐利亞傳統釀製嘅Erdinger Weissbräu小麥啤酒，口感細膩、果香獨特、清爽順喉。

「高普冠軍紀念版 Erdinger小麥白啤酒」(500毫升罐裝) 將於2020年9月24日喺指定香港OK便利店(Circle K) 、士多 Ztore限量發售。