啤酒大家實有見過、飲過，但你又有冇真係花時間去睇過個啤酒罐究竟寫咗啲咩、印咗啲咩？如果我話你知，以下呢款日本Sapporo原定於1月12日推出嘅新啤酒，因為個罐印錯咗啲嘢而決定下架，你又搵唔搵到個錯處喺邊？

睇唔睇到邊到印錯咗？

呢款「開拓使麦酒仕立て」啤酒，乃係Sapporo根據明治9年成立於札幌、日本第一間釀酒廠「開拓使酒廠」嘅傳統方法製成，原定1月12日於日本全線Family Mart有售，但喺開售四日之前，Sapporo先發現罐身上面嘅英文「Lager」印咗做「Lagar」，於是緊急宣佈下架。

但緊急下架消息就引起期待新酒嘅Fans們反抗，紛紛向Sapporo表示隻字豆潤咁大隻你唔講我都睇唔到，又話佢哋唔Care你個罐印咗啲咩，係想知你個罐入面放咗啲咩；另外亦有人擔心Sapporo將印錯嘅啤酒下架後會拎去銷毀，造成浪費，反正就係叫Sapporo唔好理咁多，拎返出黎賣算啦！

皆様からの温かいお声を頂戴し、発売中止の決定を取り消すことといたしました。
たくさんのご意見、心より御礼申し上げます。また、多くのお客様にご迷惑とご心配をおかけいたしましたことを、深くお詫び申し上げます。
引き続き宜しくお願いいたします。

▶https://t.co/dRrBbsXfSW https://t.co/7Xxv6BA0vh

— サッポロビール　SapporoBeer (@SapporoBeer) January 13, 2021

結果Sapporo又真係從善如流，日前宣佈因為收到Fans們嘅支持，所以決定於2月初將「開拓使麦酒仕立て」再次上架，而且確認上架嘅就係罐身印錯咗嘅原版