上年係Grand Seiko 60週年，咁Grand Seiko好合理地都出咗幾隻錶；今年又輪到Seiko迎黎140年啦喎，所以今次唔止Grand Seiko，就連Seiko都出錶黎慶祝啦。

先講Grand Seiko嘅「精工140週年限量版」(SBGW260)，其實就係2017年Basel World公佈嘅SBGW251、252、253嘅18K玫瑰金版，而整個系列就號稱係「重新演繹首枚精工腕錶」，實際上就係外型源自1960年推出嘅第一隻Seiko。內含9S64 3日動力儲存機芯，準確度為每日+5-3秒，機芯機橋上的金牌則刻有「S」商標以慶祝週年紀念日。限量發行350枚。

而Seiko就推出1965年推出嘅「King Seiko KSK」復刻版 (SJE083)，重現原版棱角分明嘅錶殼線條，平坦的錶面以及多面的轉角可以從任何角度捕捉光線，而12點時標因為有複雜刻面，所以主落會閃閃發光。底蓋與原版一樣刻有「King Seiko KSK」字樣及標誌，錶扣亦重現原版設計，而錶冠就有Seiko字樣及代表防水嘅「W」。

內裏就用上自動上鍊6L35機花，45小時動力儲存。限量3,000枚。