瑞士頂級鐘錶品牌Audemars Piguet以經典「Royal Oak」系列聞名世界，標誌性八角形錶圈、搭配六角形錶圈螺絲，奢華硬朗外型深受各位名人推崇，就連David Beckham、Brad Pitt、The Rock亦係AP愛好者。最近AP公布與Marvel首款聯乘作品，以「黑豹」為主題嘅Royal Oak Concept飛行陀飛輪錶款。

大約喺一個月前，AP大賣關子透露將會同Marvel合作，當時粉絲們都以為AP會選擇「Iron Man」或「Thor」作為首款作品。出其不意，AP最終選擇「黑豹」為主題打造出細致奢華飛行陀飛輪限量腕錶。

雖然係以「黑豹」為主題，不過隻錶就唔係用「汎合金」（Vibranium）打造，而採用鈦金屬圓形錶殼，搭配黑色陶瓷8角形錶圈，就好似「黑豹」套高科技盔甲咁霸氣。錶盤中央有一個歷時30小時精雕細琢嘅18K白金3D「黑豹」人形裝飾。

腕錶搭載2965型機芯，並帶有飛機陀飛輪，能夠提供72小時動力儲備。藍寶石水晶底蓋能夠清楚見到錶內結構，以及陀飛輪齒輪一小部份。

資料來源：audemarspiguet