「腕錶」同「武士」就咁睇好似大纜都扯唔埋，點諗都唔會覺得武士會走去帶住隻腕錶，但如果將「武士魂」融入腕錶，成件事會唔會又好Match呢?

為紀念 G-SHOCK MR-G系列誕生25週年，Casio決定推出全球限量400隻嘅特別版腕錶MR-G「華婆娑羅」(Hana-Basara)，其設計以日本「婆娑羅」武士精神為核心，因此腕錶充滿著武士強悍鋼勁嘅感覺。(售價HK$63,880)

MR-G「華婆娑羅」基於日本戰國時期嘅「婆娑羅」武士精神，其中「婆娑羅」即梵文中鑽石咁解，而正常嘅武士著好盔甲就上陣，但「婆娑羅」武士就非常著重盔甲嘅藝術設計，完全係別具一格。所以，今次呢款MR-G「華婆娑羅」嘅錶圈請黎寶石切割大師小松一仁主理，以其原創鏡面金屬切割手法，打造錶圈外型以貼近武士感覺。

除左錶圈，錶殼及錶帶都以鈦合金製作，錶盤則以「鏈甲」為靈感設計，而時間刻度亦與武士彎刀作呼應，完美配合「日本武士」嘅主題。同時，錶殼邊緣亦鑲有「25TH LIMITED」字樣，為MR-G系列25週年作證。