艾拉島係位處蘇格蘭西方嘅一個島仔，總面積大約為500平方公里，連香港嘅一半都唔到。全島人口不足4,000，係名副其實嘅小島寡民，但係呢個小小島仔之上，竟然有8間威士忌蒸餾廠，世界上有好多出名品牌，例如Ardbeg、Bowmore、Bruichladdich、Lagavulin、Laphroaig 都係來自呢個地方。

Islay whisky最出名嘅，當然係佢嘅泥煤 (peaty) 風格啦。今日就同你講吓，點解Islay嘅酒有咁強烈嘅泥煤味。差不多 20 年前，艾拉島嘅電力發熱設施比較落後，每家每戶都要用生火嘅方式取暖，而當地樹林唔多，所以佢地搵唔到太多木炭嚟燒，而泥煤就係比較理想嘅選擇。

響艾拉島釀製威士忌嘅時候，佢地用嘅原材料好多都經過泥煤烘焙，尤其係處理大麥嗰陣用嘅煙燻，陣泥煤味簡直勁到得人驚。另外，亦都有人話Islay嘅水源對泥煤味都有影響，不過個人認為影響力絕不及頭先講過嘅原材料烘焙。

講返Islay whisky，呢度有幾隻作品俾大家選擇，試完之後話唔定你會有興趣 Join重口味whisky club架

Ardbeg Supernova Single Malt，超絕泥煤味新星，58.9%酒精度 + 100ppm泥煤度，
複雜性來自少少嘅海洋氣息，海鹽、胡椒、皮革、烘焙咖啡仲有少少朱古力味。

Lagavulin 16年Single Malt，43% 酒精度，泥煤味重得黎，亦感受到sherry cask嘅風格，
海洋鹽味，少些嘅雲尼拿同草本味。

Laphroaig 15年Single Malt，43% ABV，相對於佢隻10年，呢支酒會比較沉穩、
醇厚同飽滿，海洋、草本、杏仁，建構出一定嘅深度。

Bruichladdich Octomore Single Malt，57% ABV，167ppm泥煤度，世上泥煤味最重嘅威士忌，
飲完呢杯，基本上你都返唔到轉頭，雖然佢味重，但口感仍非常順滑，正。