飲家們，試回想一吓，多年嘅品酒生涯中，到底試過或欣賞過幾多隻氈酒? Hendrick’s? Gordon's? Beefeater? Tanqueray? London No.1、3、5? 只係講起，腦海中都會浮現 Gin 嗰種澎湃嘅杜松子、青瓜、芫茜草本香味，甫一開蓋，其酒香四溢，企響數米之外都能夠清楚感受得到。

呢次講嘅North Shore Distillery No. 6 Gin同以上嘅傳統名Gin相比，一啲都唔遜色，細緻、具複雜性嘅酒香同風味令佢足以突圍而出。North Shore Distillery做事極之貼地，不單以人手處理杜松子、檸檬片、荳蔻、肉桂等必備嘅草本植物同香料，更堅持精細而漫長嘅蒸餾過程，此舉有助保持酒香清新、明亮。

No. 6 Gin 有清新嘅草本、香料、檸檬片，伴隨濃厚嘅杜松子香，入口嘅時候有如絲綢順滑，果香淡然點綴，但酒體本身仍然保持Dry Gin風格，厚實嘅杜松子、胡椒、丁香層層相扣，甚為複雜。

杜松子 Juniper Berry

收結仍以杜松子作為主調，但同時亦滲出香甜嘅柑橘果香、辛辣嘅香料交組出悠長尾調，變化非常立體。