15,000 瑞士法郎嘅價格之中，TAG Heuer Carrera Heuer-02T係現時市場上唯一一隻有COSC認證嘅自動計時陀飛輪錶。機芯屬於TAG Heuer 自家研發，取Calibre CH-80 之長重新演繹，每小時振動28,800次（4 Hz），搭載單發條盒、計時功能、自動上鏈，仲有浮動式陀飛輪等等核心技術。陀飛輪架構源自於 Monaco V4，上層與中層分別以碳纖維同鈦金屬，能夠大大減輕重量負擔。

錶殼採用咗5 級鈦金屬鑄造，由12個不同嘅模組零件建構而成，直徑45mm，黑色鏤空錶盤望落去空間感十足，兩個計時盤分別係 3 點鐘方位嘅分鐘計同埋9 點鐘方位嘅小時計。指針仍然有必備嘅 SuperLuminova 夜光顯示。

除咗Carrera Heuer-02T，佢仲出咗一隻Black Phantom，限量250隻，具獨立編號，不過定價就貴啲，19,900瑞士法郎，差不多15、6萬港紙。