要切割藍寶石，直接造一隻水晶錶需要非常先進、準確嘅技術，Hublot 將呢個視為賣點之一並不為奇。Big Bang Unico Sapphire 嘅45mm錶面、切面同錶背都採用藍寶石質料，其硬度相近於鑽石，唔易刮花，核心結構部件有少部份用咗鈦金屬，其他都係由透明矽膠、透明樹脂呈現出「睇得通透」嘅感覺。

直望見到Unico HUB1242機芯齒輪，3點位有日期顯示，指針有白色夜光塗層，自帶72小時動力儲存，防水深度達100米。近似「幽靈」嘅透明質感，實在唔容易carry，即使佢係用藍寶石整到透明，但全隻錶連錶帶都透明，就真係要明眼有心人先識得欣賞。