Marvel 入面，Iron Man作為一個「普通人」就成日俾人打到頭破血流，唔知隻HYT Skull係咪用咗佢嚟做設計靈感。錶盤中間嘅頭骨非常搶眼，但真係考奪天工嘅係周圍不足1mm嘅精細導管，上面一個弧度包圍頭頂，底下再有兩個近90^o既彎位，做得咁細緻其實非常困難。

導管配搭液態顯示，能夠清楚地讀到小時資訊，但你會見到隻錶無咗分鐘顯示，呢個咁革新嘅做法，目的只有一個 — 將配戴者嘅注意力全部聚焦於頭骨之上，唔會比其他野影響到其可讀性。

51mm圓形錶殼，彎曲位質感極好，時間按鈕設置於2、3點方位，有別於一般傳統擺法。頭骨嘅右眼能夠顯示動力儲存，呢隻錶備有65小時動力儲備，快將耗盡嘅時候，右眼色澤會慢慢變得暗淡。而左眼則隱藏咗一個持續旋轉嘅小秒盤。

Iron Man色，係黑色DLC 鈦金屬配5N玫瑰金錶殼，限量25隻；而一黑色加綠色液體顯示嘅Skull就限量50隻。