鏤空錶向來係引人入勝嘅設計，See through可能係每個男人嘅天性，將事物嘅本質睇通睇透，咁隻錶先算係你掌握之中。今次Maurice Lacroix鏤空錶屬於匠心系列，特色係主錶橋結構以車輪輻條方式排列，即係好似單車轆咁，軸與軸之間有相當大嘅空間俾你睇清楚個機芯。

匠心系列鏤空腕錶搭載艾美自家研發ML134機芯，呢款手動上鏈型嘅機芯有啲蝸形飾紋，主錶橋飾以噴砂細節，備有黑金色、藍色CVD俾用家選擇。錶殼直徑為43毫米，主錶盤嘅時針、分針都有夜光塗層，小秒盤就大約響 9 點鐘方向，亦正正係鏤空主錶橋嘅上方。

ML134機芯

另一款匠心系列計時碼錶，顧名思義就係增加咗計時功能。直徑45毫米錶殼有3種款式 : 精鋼錶殼搭配銀色錶盤、黑色PVD塗層錶殼配同色錶盤、精鋼錶殼搭配銀色錶盤同4N純金錶圈。

機芯係艾美自家研發嘅全新自動計時機芯。錶盤時針、分針經鑽石切割處理，同樣有夜光塗層，3點位有個30分鐘計時盤，9 點位則保留咗小秒盤。艾美響Basel仲會有Eliros、AIKON系列，相信價格會比較平，我地拭目以待。