以前啲銀仔有得擇「公字」，一面係銀碼數字，而另一面係英女皇 Queen Elizabeth II 嘅公仔頭，可能而家啲後生已經唔識，佢地只能夠用銀仔去擇「花字」，因為「事頭婆」同香港已經互不從屬。呢隻英女皇錶由BACKES & STRAUSS出品，係紀念佢今年90大壽，古語有云，人生70古來稀，去到90歲應該真係有上帝嘅庇祐吧。

Princess Elizabeth錶盤上繪有伊莉沙白二世年輕時候嘅容貌，金屬錶盤用人手雕刻，並以900度高溫，一層疊一層鑲嵌琺瑯，憑藉高超嘅溫度掌控，錶盤先呈現到呢隻咁靚嘅紫色。

12點方位有「XC」字樣。錶殼37mm，鑲有28粒鑽石，共3.95卡，錶冠嗰度粒0.09卡鑽石被稱為「冠月之明珠」。錶帶同樣係鑽石錶鏈，136粒，加埋18.57卡。

Piccadilly Renaissance Ballerina、Regent Renaissance Ballerina搭配鑲鑽錶鏈，鑲嵌共737粒理想切割鑽石。