由蘇格蘭Speyside嘅Benromach蒸餾廠出品，枝35年都算係呢個品牌之中嘅頂級傑作。喺1993年，IB廠Gordon & MacPhail買咗Benromach，並用5年時間重新調整釀酒方式、營運方向，而家佢地堅持以1960年代傳統方式生產Speyside嘅單一純麥威士忌。

呢枝野咁珍貴，係因為Benromach曾於1983年因故閉廠，直到1993年Gordon & MacPhail嘅出現先重見天日。枝35年運用咗閉廠前嘅原液威士忌，所以對品牌嚟講相當之有意義。

Benromach 35嚴選天然材料、Speyside傳統方式釀製。酒色為金黃琥珀，聞香呈現豐富嘅香橙、奇異果、柚子甜味，唔少得嘅當然係sherry帶嚟嘅玉桂香辛。入口係成熟香蕉、蜂蜜、蜜瓜等水果香甜，柔滑嘅白朱古力味隨之而來，少少嘅薄荷醇香，最後係柔長飽滿嘅果香餘韻。