隻錶最搶眼都係個黑色陶瓷錶圈，呢一款沿自1965年嘅經典設計，配合現代PVD (物理氣相沉積法) 鍍膜技術，整多咗一層鉑金薄膜上面，令外園測速計更容易睇。

呢個測速計平均時速最高可達400英里或公里，而Cerachrom陶瓷質料仲能夠有效防刮、防蝕、防紫外線，絕對係好睇又好駛。

Cosmograph Dayton採用Rolex自家研發4130型自動上鏈計時機芯。計時機芯配備導柱輪、垂直計時離合輪裝置，可以令計時器瞬時啟動，確保精準計時。專利藍色Parachrom游絲組件，唔會受磁場干擾、溫度變化，抗震能力亦非常強。

40mm蠔式錶殼提供100米防水效能，而中層錶殼則用整塊實心904L精鋼鑄造。比較特別嘅係Rolex用咗特殊工具將三角坑紋底藝鎖實，以保證其防水功能，呢個都意味住只有送返去Rolex度先可以打開機芯。

錶盤有黑面兩隻底色，同樣係3個小圈計時盤，中間有紅色嘅Daytona字樣，個人嚟講，都係白色底襯黑色陶瓷錶圈比較匹配嘅 !