好記得有次去台灣清境住民宿，個老板鬼死咁好人，又載我地去玩，又請我地食嘢咁。有日佢俾咗杯酒我地試飲，個味道好震撼，點講呢，就好似有啲中藥味嘅跌打酒、活絡油咁，佢話呢杯係珍藏靚嘢，自己唔知釀咗幾多年咁啦，我一眼望去嗰樽酒度，Oh sorry，我真係唔敢問入面嗰隻係咩嚟。

中華民族鐘意自己釀酒，其實日本都一樣，而梅酒幾乎係最熱門嘅選擇。尤其呢排踏入春季，青梅當造呀，最適合開始釀製屬於自己嘅梅酒啦。

中環The First Floor by Lifestyle Federation將會由4月11日至5月15日，舉辦手工梅酒初體驗，大家晚飯時段去，可以免費Join，體驗自家製酒嘅樂趣，仲可以按照個人口味控制梅酒嘅味道，到時仲會有關於日本梅酒文化嘅介紹添。

冷天使麵配法國魚子醬

The First Floor嘅晚餐亦相當之精彩，全部選用頂級食材、自選菜譜，好多都係創意Fusion菜式，例如鴨肝凍批配自家製果醬酥伴藍莓啫喱、燒粟米湯配意式陳醋爆谷、冷天使麵配法國魚子醬等等。甜品更加係唔可以錯過！試埋呢個乳酪蜜糖忌廉伴香檸醬，拎埋枝梅酒返屋企，Perfect！

乳酪蜜糖忌廉伴香檸醬