唔好以為2次元擺上腕錶就一定型唔起，今次Tag Heuer呢隻海賊王聯名錶「Aquaracer Phantom One Piece Special Edition」就型到核爆，事關佢用咗「Aquaracer Black Phantom」潛水錶做原型，本身已經係一隻非常具質感嘅靚錶，加咗One Piece設計之後，仍然保持到原有嘅風格。

我最驚嘅動漫crossover將成件產品整到花喱花碌，其實有啲圖樣、Pattern已經足夠代表套動漫作品，而家呢隻就係用咗呢個「Less is More」概念，錶盤有路飛海賊團9個人物剪影輪廓，錶圈做指南針設計，增加航海感覺，少少嘢，其實已經夠哂皮。

真係想訂嘅朋友，今個月底之前去Espace TAG Heuer、AG Heuer Gallery等17間品牌店落訂，仲可以揀選錶蓋，普通版係全員剪影，你係得獎者就可以揀其中一個印做錶底蓋，記得趁早！講返價錢，隻錶唔連稅賣35萬Yen，七算計返港紙大約兩萬五左右，預定發售日係夏假7月23號。