男士們天生對粉紅色有種特別嘅渴求，天然，純淨，可遇不可求，呢例自然定律，除咗可以應用於肉類之外，仲有葡萄酒之中嘅粉紅代表 : Rosé。Rosé酒精度較底，易入口、花香迷人，好適合夏天各種不同場合，尤其有女伴在場的話，一枝Rosé可以為你贏得唔少歡呼聲。

法國南部係Rosé嘅重要產區，佔普羅旺斯葡萄酒產量嘅絕大部分。呢枝酒入口輕盈、味道清新，並帶有淡淡嘅怡人果味，好適合做 Daily Wine。酒液散發出士多啤梨、覆盆子香氣，酸度清爽明快。這款未經橡木桶陳釀嘅不甜Rosé既可作為開胃酒，亦可配搭一系列地中海美食。

Sancerre Rose, Andre Dezart, Loire, 2013 (HK$148)

Loire Valley嘅作品比較活潑明快，其風味多是明顯且一湧而上嘅。呢枝同樣係走甜嘅Rosé，但就保留咗豐富嘅士多啤梨、夏日漿果，仲有怡人嘅酸度。入面混釀咗Pinot Noir，增添咗一定嘅層次同變化，為活潑爽朗之個性留返一點含蓄，總括而言係非常入口嘅2013 Vintage。

Tavel Rose, La Dame Rousee, Dme de la Mordoree Rhone, 2012 (HK$160)

南法有個地方叫 Tavel，係AOC葡萄酒法定產區，當地只能夠生產 Rosé，所以又有「南法粉紅酒之都」嘅稱譽。呢枝2012係一款酒體飽滿、果香四溢嘅Rosé，即使陳年到2012，佢入口依然唔算甜，但就有芬芳嘅花香，白色水果嘅味道。Grenache佔混釀比例嘅大半，令枝酒有少少紅色漿果同胡椒香辛，結構非常清晰。

Berry Bros. & Rudd Reserve Rosé, Collovray & Terrier Spain ($75)

喺西班牙，Rosé又稱之為 Rosado，呢枝枝西班牙品用咗Cinsault、Shiraz混釀，具有醉人嘅紅色水果香氣，仲有少少草本氣息。Grenache、Mourvèdre又產生溫暖感覺同埋辛辣感。總括而言係一款既熱情亦有野性嘅Rosé，做Daily Wine亦相當唔錯。

Thienot Brut Rosé NV Champagne (HK$400)

浪漫嘅代名詞 — Rosé Champagne粉紅香檳，無論視覺、味覺、定係氣氛，粉紅香檳都能夠帶嚟極緻嘅享受。呢款作品入口酸爽怡人，層次複雜多樣，滲透出Rosé常見嘅士多啤梨、覆盆子味道，仲有淡然嘅花香、細膩又具有變化嘅果香，結構精緻，而且非常優雅。

Cristal Rosé Champagne 2004 (HK$4,100)

Cristal 屬於香檳中嘅頂級作品，只有喺收成好嘅年份先會出產嘅夢幻香檳，Cristal嘅粉紅香檳更加係氣派不凡，我就會將佢留待特別日子先飲。呢款咁靚嘅作品，口感柔滑輕柔，酒體飽滿，酒香清新，豐富、具多樣性，洋溢非常迷人嘅綿密氣泡，毫無疑問係極品享受。