最近 Suntory 公佈咗一隻限定於北美地區發售嘅調和威士忌 : Suntory Toki 季，唔係年份作品一早估到，日本已經唔夠威士忌老酒賣，所以你見到出親新酒都一定係 Blended。不過Blended定係Single Malt並不重要，只要佢Blend得好飲，我依然會支持。

睇吓呢枝「Toki 季」係咩料子先，原液來自Suntory House蒸餾廠巨頭，白州、山崎、知多，以日式和諧、平衡風格去調和。Toki 特別之處，係Malt同Grain兩種威士忌 blend埋嘅產品，白州嘅美國橡木桶大麥威士忌，帶嚟獨特嘅青蘋果新清感，拎埋知多蒸餾廠較濃味嘅 Grain 穀物威士忌，加添雲尼拿風味，同香甜口感；要多啲深度? 加埋山崎蒸餾廠嘅兩款威士忌原液，美國橡木桶威士忌加重奶油、香桃味道，歐洲橡木桶形成香辛、苦澀味，成枝 Toki 就非常圓滿啦。

Malt Whisky 俾人買起哂，所以酒商另推 Grain Whisky 係大勢所趨，之前碧咸嗰隻 Haig Club 雖然係 Single Grain，但仍然無損銷情，證明只要係靚酒，飲家們就會繼續撐。有人話Toki係專登整俾日本餐廳去Highball ( hi-波-嚕 )，但其實佢順滑嘅質感同層次，Neat 飲亦絕對無問題。

Suntory Whisky Toki (43% Alc./Vol. 750ml)

酒色 : 透徹黃金色澤
酒香 : 花香、香料、青蘋果、峰蜜
口感 : 柚子、青蘋果、薄荷香辛、麝香
收結 : 有柔和之香甜、橡木桶之香辛，最後係白胡椒同少少薑味
據聞北美 RSP 係$39.99美金