極荀呀兄弟，3000円，即係計返二百幾蚊港紙，可以無限時地任飲超過 100 款精選SAKE，店內仲歡迎你自己帶嘢食，絕對係無敵 Good Deal。呢個清酒放題係由一間叫 Kurand 嘅日本酒商推出嘅，佢地分別喺新宿三丁目、涉谷、淺草，同埋池袋各有一間分店，淺草嗰間仲要好近地鐵，唔駛驚搵唔到。

根據佢地官網介紹，佢地嘅服務都相當之貼心，現場有職員為你解答清酒問題、你買完外賣仲供應埋餐具，揀完酒杯可以中途轉款，仲要無限時自由出入，即係連稅3,240円，俾你玩足全日!

不過呢個放題係要「立食立飲」嘅，即係無位俾你坐，要長時間作戰真係要俾啲腳骨力啦。最後不得不讚，佢每個鐘頭有一個「飲水Time乾杯」環節，為咗健康著想，佢建議你飲返清酒量 1.5 倍嘅水，好鬼窩心。

查詢預約 : http://kurand.jp/sakemarket/