格魯吉亞擁有非常好嘅天然條件，高加索山區獨特嘅高原氣候、肥沃嘅土壤，非常適合農業發展，尤其係葡萄嘅種植。529個葡萄品種之中有27種用嚟釀酒，當中Mtsvane、Saperav，同Rkatsiteli就比較為人所熟悉。呢期格魯吉亞酒商 GSW 重新以音樂為題，發行14款聽唔同樂曲「成長」嘅葡萄酒 Vismino，而呢個字有「必需聆聽」嘅意思。

Vismino 其中一項破格之處，就係將音樂嘅作用，形象化於酒標之上，創造出一系列 music label。你睇到酒標上嘅圖案，其實係嗰首音樂嘅 sound waves嚟，所以每一款都係唔同嘅 graphic elements。佢地將一堆裝有染料嘅tubes連接鋼琴鍵，然後琴師彈奏歌曲，啲染料就會自然透過震動揮灑於紙上，酒標就係咁樣「繪畫」而成。